Category Archives: local sports

இறுதிப் போட்டியில் வல்வை-ஞானம்ஸ்

குரும்பகட்டி உதயசூரியன் விளையாட்டுக் கழகம் வடமராட்சி ரீதியாக நடாத்தி வந்த அணிக்கு 10 ஒவர், 11 பேர் கொண்ட கிரிக்கெட் சுற்றுப்போட்டியின் இறுதிப் போட்டிக்கு, வல்வெட்டித்துறை வல்வை விளையாட்டுக் கழகமும் கரவெட்டி ஞானம்ஸ் விளையாட்டுக் கழகமும் தகுதி பெற்றுள்ளன.

 

வல்வை விளையாட்டுக் கழகத்துக்கும் மாலி சந்தி மைக்கல் விளையாட்டுக் கழகத்துக்குமிடையே புற்றளை இளைஞர் விளையாட்டுக் கழக மைதானத்தில் நடைபெற்ற முதலாவது அரையிறுதிப் போட்டியில் ஐந்து விக்கெட்டுகளினால் வெற்றி பெற்றே வல்வை விளையாட்டுக் கழகம் இறுதிப் போட்டிக்கு தகுதி பெற்றது.

 

இப்போட்டியில், முதலில் துடுப்பெடுத்தாடிய மைக்கல் அணி 10 ஒவர்களில் ஏழு விக்கெட்டுகளை இழந்து 80 ஒட்டங்களைப் பெற்றது. துடுப்பாட்டத்தில், அவ்வணி சார்பாக அணித்தலைவர் ரகுவரன் 54, வினோத்ராஜ் 12 ஒட்டங்களைப் பெற்றனர். பந்துவீச்சில் வல்வை அணி சார்பாக, கபிலன், ருதேஷா, விதுஷன் ஆகியோர் தலா இரண்டு  விக்கெட்டுகளை வீழ்தினர்.

 

பதிலுக்கு 81 ஓட்டங்கள் என்ற வெற்றியிலக்குடன் துடுப்பெடுத்தாடிய வல்வை அணி 9.2 ஓவர்களில் வெற்றி பெற்றது. துடுப்பாட்டத்தில் அவ்வணி சார்பாக, கபிலன் 36, சிறிகரன் 18, சஞ்சீவன் 13 ஒட்டங்களைப் பெற்றனர். பந்துவீச்சில் மைக்கல் அணி சார்பாக, தினோஜன் மூன்று, வேணுகானன், தர்சன் ஆகியோர் தலா ஒவ்வொரு விக்கெட்டினை வீழ்த்தினர். போட்டியின் நாயகனாக கபிலன் தெரிவானார்.

கரவெட்டி ஞானம்ஸ் விளையாட்டுக் கழகத்துக்கும் பருத்தியூர் இளந்தளிர் விளையாட்டுக் கழகத்துக்குமிடையே இடம்பெற்ற இரண்டாவது அரையிறுதிப் போட்டியில், எட்டு விக்கெட்டுகளினால் வெற்றி பெற்றே ஞானம்ஸ் அணி இறுதிப் போட்டிக்குத் தகுதி பெற்றிருந்தது.

 

இப்போட்டியின் நாணயச் சுழற்சியில் வென்று, முதலில் துடுப்பெடுத்தாடிய இளந்தளிர் விளையாட்டுக் கழகம், 10 ஓவர்கள் முடிவில், ஐந்து விக்கெட்டுகளை இழந்து 59 ஓட்டங்களைப் பெற்றது. துடுப்பாட்டத்தில் அவ்வணி சார்பாக, தீபன் 16, தினேஷ் 14, ரஜீ 10 ஓட்டங்களைப் பெற்றனர். பந்துவீச்சில், ஞானம்ஸ் அணி சார்பாக ஜொனி இரண்டு விக்கெட்டுகளையும் செந்திரன், ரஜீவன் ஆகியோர் தலா ஒவ்வொரு விக்கெட்டினையும் கைப்பற்றினார்.

 

பதிலுக்கு 60 ஓட்டங்கள் என்ற வெற்றியிலக்குடன் துடுப்பெடுத்தாடிய ஞானம்ஸ் அணி, 5.5 ஓவர்களில் இரண்டு விக்கெட்டுகளை மாத்திரம் இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக ஜீவன் ஆட்டமிழக்காமல் 39 ஓட்டங்களைப் பெற்றார். பந்துவீச்சில் இளந்தளிர் அணி சார்பாக மது ஒரு விக்கெட்டினை கைப்பற்றினார். போட்டியின் நாயகனாக ஜீவன் தெரிவானார்.

 

மூன்றாவது தடவையாகவும் சம்பியனானது சென்றலைட்ஸ்

யாழ்ப்பாண பிறிமியர் லீக் (ஜே.பி.எல்) தொடரின் இறுதிப் போட்டியில், துடுப்பாட்ட வீரர்களின் பலத்தால், சென்றலைட்ஸ் அணி, 42 ஓட்டங்களால் திருநெல்வேலி கிரிக்கெட் விளையாட்டுக் கழக அணியை வென்று, தொடர்ந்து 3ஆவது முறையாகச் சம்பியனாகியது.

இருபதுக்கு-20 தொடரான இத்தொடரின் 4ஆவது பருவகாலப் போட்டிகள், ஜூன் மாதம் 25 ஆம் திகதி முதல், யாழ்ப்பாணம் இந்துக் கல்லூரி மைதானத்தில் நடைபெற்று வந்தன. யாழ்ப்பாணத்திலுள்ள 12 முன்னணிக் கழகங்கள், இத்தொடரில் பங்குபற்றின. அணிகள் 2 பிரிவுகளாக பிரிக்கப்பட்டு, லீக் முறையில் போட்டிகள் நடத்தப்பட்டு, ஒவ்வொரு பிரிவிலும் முன்னணி வகித்த 4 அணிகள் வீதம் காலிறுதிக்கு 8 அணிகள் தெரிவாகின.

ஞாயிற்றுக்கிழமை (31) பிற்பகல் 2 மணிக்கு ஆரம்பமான இறுதிப் போட்டியில், நாணயச் சுழற்சியில் வென்ற சென்றலைட்ஸ் அணித் தலைவர் குலேந்திரன் செல்ரன், முதலில் துடுப்பெடுத்தாடத் தீர்மானித்தார்.
அதற்கிணங்கக் களமிறங்கிய சென்றலைட்ஸ் அணியினர், பந்துவீச்சை வெளுத்து வாங்கினர். அவ்வணி, 20 ஓவர்களில் 8 விக்கெட்டுகளை இழந்து 223 ஓட்டங்களைப் பெற்றது. பூபாலசிங்கம் டர்வின் 42, சுரேஸ் கார்த்தீபன் 33, நாகராசா ஜனோசன் 32, குலேந்திரன் செல்ரன் 26, ரவி வதூஸனன் 26, பத்திநாதன் நிரோஜன் 22, சின்னத்துரை ஜேம்ஸ் ஜான்சன் 20 ஓட்டங்களைப் பெற்றுக்கொடுத்தனர். பந்துவீச்சில் பி.பிறகோவன், 60 ஓட்டங்களுக்கு 2 விக்கெட்களைக் கைப்பற்றினார்.

 

224 ஓட்டங்கள் என்ற வெற்றியிலக்கை நோக்கி பதிலுக்குத் துடுப்பெடுத்தாடக் களமிறங்கிய திருநெல்வேலி அணி சார்பில் விதுன் மிகுந்த போராட்டத்தை வெளிப்படுத்தினார். எனினும், மற்றைய வீரர்கள் கைகொடுக்காமையால் திருநெல்வேலி அணியின் போராட்டம் வீணாகியது. 20 ஓவர்களில் அனைத்து விக்கெட்களையும் இழந்து 181 ஓட்டங்களை மாத்திரம் அவ்வணி பெற்றது. துடுப்பாட்டத்தில் முத்துக்குமார் விதுன் அதிரடியாக 83 ஓட்டங்களையும், அபயராஜா ஜசீந்தன் 41 ஓட்டங்களையும் பெற்றுக்கொடுத்தனர். பந்துவீச்சில் ரி.கோகுலன் 31 ஓட்டங்களுக்கு 3 விக்கெட்களையும் கைப்பற்றினர்.

போட்டியின் நாயகனாக, திருநெல்வேலி அணியின் விதுனும் தொடர்நாயகனாக சென்றலைட்ஸ் அணியின் ஜேம்ஸ் ஜான்சனும் தெரிவு செய்யப்பட்டனர்.

ஜே.பி.எல் 1ஆவது பருவகாலத்தில் கொக்குவில் மத்திய சனசமூக நிலைய அணி சம்பியனாகியதுடன், மிகுதி 3 வருடங்களிலும் தொடர்ச்சியாக சென்றலைட்ஸ் அணி சம்பியனாகியமையும் குறிப்பிடத்தக்கது.

 

 

சம்பியனானது றெயின்போ

 

வல்வைக்குட்பட்ட றெயின்போ, தீருவில், சைனிங்ஸ், இளங்கதிர், நேதாஜி, உதயசூரியன், ரேவடி ஆகிய ஏழு கழகங்களுக்கிடையில், அமரர்களான கந்தசாமி குகதாஸ், குகதாஸ் ஜெயலட்சுமி, குகதாஸ் பார்த்தீபன் ஞாபகார்த்தமாக சைனிங்ஸ் விளையாட்டுக் கழகம், லீக் முறையில் நடாத்திய இருபதுக்கு-20 தொடரில் றெயின்போ விளையாட்டுக் கழகம் சம்பியனாகியுள்ளது.

 

றெயின்போ விளையாட்டுக் கழகத்துக்கும் தீருவில் விளையாட்டுக் கழகத்துமிடையே இடம்பெற்ற இறுதிப் போட்டியில், முதலில் துடுப்பெடுத்தாடிய தீருவில் விளையாட்டுக் கழகம், 17 ஓவர்களில் சகல விக்கெட்டுகளையும் இழந்து 62 ஓட்டங்களை மாத்திரமே பெற்றது. துடுப்பாட்டத்தில், பிரதீப் 23 ஓட்டங்களைப் பெற்றதோடு, பந்துவீச்சில் ருதேஷா நான்கு விக்கெட்டுகளைக் கைப்பற்றினார்.

 

பதிலுக்கு 63 ஓட்டங்களை வெற்றியிலக்காகக் கொண்டு துடுப்பெடுத்தாடிய றெயின்போ விளையாடுக் கழகம், 14 ஓவர்களில் நான்கு விக்கெட்டுகளை மாத்திரமே இழந்து வெற்றியிலக்கை அடைந்தது. துடுப்பாட்டத்தில், பிரணவன் 21, பிரகலாதன் 12 ஓட்டங்களைப் பெற்றதோடு, பந்துவீச்சில் பிரதீப், குமரன் ஆகியோர் தலா ஒவ்வொரு விக்கெட்டினைக் கைப்பற்றினர்.

 

இறுதிப் போட்டியின் நாயகனாக ருதேஷா தெரிவானதோடு, தொடரின் நாயகனாக பிரதீப் தெரிவானார். தொடரில், 163 ஓட்டங்களைப் பெற்று பிரதீப் அதிகூடிய ஓட்டங்களைப் பெற்றதோடு, 22 விக்கெட்டுகளைக் கைப்பற்றி, தொடரில் அதிக விக்கெட்டுகளை சிறீகரன் கைப்பற்றியிருந்தார்.

 

லீக் முறையில் இடம்பெற்ற இத்தொடரின் லீக் போட்டிகள் ஆறிலும் வெற்றி பெற்று முதலாவது அணியாக ‘பிளே ஓஃப்’ சுற்றுக்குள் நுழைந்த றெயின்போ விளையாட்டுக் கழகம், லீக் போட்டிகள் நான்கில் வெற்றி பெற்று இரண்டாமிடம் பெற்ற தீருவில் விளையாட்டுக் கழகத்தை தோற்கடித்து இறுதிப் போட்டிக்குள் நுழைந்தததுடன், தொடரில் நான்கு போட்டிகளில் வெற்றி பெற்ற சைனிங்ஸ், தொடரில் மூன்று போட்டிகளில் வெற்றி பெற்ற இளங்கதிர் ஆகியன மோதிய போட்டியில் வெற்றி பெற்ற சைனிங்ஸ், தீருவில் ஆகிய அணிகளுக்கிடையிலான இறுதிப்போட்டிக்கு தெரிவாகும் இரண்டாவது அணியைத் தேர்வு செய்யும் போட்டியில், தீருவில் வெற்றி பெற்று இறுதிப் போட்டிக்கு தெரிவாகியிருந்தது.

கிழக்கில் பெண்களில் சம்பியனாக திருகோணமலை; ஆண்களில் அம்பாறை

 

42ஆவது தேசிய விளையாட்டு விழாவிற்கு கிழக்கு மாகாண அணியைத் தெரிவு செய்வதற்கான கிரிக்கெட் சுற்றுப்போட்டியானது, அக்கரைப்பற்று பொது விளையாட்டு மைதானத்தில் கடந்த வாரயிறுதியில் இடம்பெற்றது.

 

இதில் அம்பாறை, மட்டக்களப்பு திருகோணமலை ஆகிய மூன்று மாவட்டங்களையும் சேர்ந்த ஆண், பெண் கிரிக்கெட் அணிகள் கலந்து கொண்டன. இதில், ஆண்கள் பிரிவில் அம்பாறை மாவட்டமும் பெண்கள் பிரிவில் திருகோணமலை மாவட்டமும் முதலாமிடத்தைப் பெற்று தங்கப்பதக்கத்தினைப் பெற்றுக்கொண்டார்கள்.

 

இந்நிகழ்வின், ஆரம்ப வைபவத்திற்கு கிழக்கு மாகாண விளையாட்டுத்துறைப் பணிப்பாளர் என்.மதிவண்ணன் கலந்து கொண்டு சிறப்பித்ததுடன் வீரா்களுக்கும் அறிமுகம் செய்து வைக்கப்பட்டார். இறுதிப்போட்டி நிகழ்வுகளில் திருகோணமலை மாவட்ட விளையாட்டு உத்தியோகத்தர் ஏ.எச்.விமலசேன, அம்பாறை மாவட்ட விளையாட்டு உத்தியோகத்தர் வீ.ஈஸ்வரன், அம்பாறை மாவட்ட கிரிக்கெட் பயிற்றுவிப்பாளர் சிதத் லியனாராச்சி, பயிற்றுவிப்பாளர்களான எம்.ஐ.அமீர் அலி, எ.சப்றி நஸார், அக்கரைப்பற்று பிரதேச விளையாட்டு உத்தியோகத்தர் எம்.எச்.எம்.அஸ்வத் ஆகியோர் கலந்து கொண்டு சிறப்பித்தனர்.

 

பெண்களுக்கான போட்டி அணிக்கு ஆறு பேர், ஐந்து ஓவர்களைக் கொண்டதாகவும், ஆண்களுக்கான போட்டி  அணிக்கு 11 பேர் 15 ஓவர்களைக் கொண்டதாகவும் அமைந்திருந்தது.

 

பெண்களுக்கான இறுதிப் போட்டியில், திருகோணமலை மாவட்ட அணியும் மட்டக்களப்பு மாவட்ட அணியும் மோதின. இதில் முதலில் துடுப்பெடுத்தாடிய திருகோணமலை மாவட்ட அணி ஐந்து ஓவர்கள் முடிவில் இரண்டு விக்கெட்டுக்களை இழந்து 62 ஓட்டங்களைப் பெற்றது. பதிலுக்குத் துடுப்பெடுத்தாடிய மடட்டக்களப்பு மாவட்ட அணி ஐந்து  ஓவர்கள் முடிவில் இரண்டு விக்கெட்டுகளை இழந்து 44 ஓட்டங்களைப் பெற்று 18 ஓட்டங்களினால் தோல்வியடைந்தது.

 

ஆண்களுக்கான இறுதிப் போட்டியில், திருகோணமலை மாவட்ட அணியும், அம்பாறை மாவட்ட அணியும் மோதின. இதில் முதலில் துடுப்பெடுத்தாடிய திருகோணமலை மாவட்ட அணி 15 ஓவர்கல் முடிவில் ஐந்து விக்கெட்டுகளை இழந்து 132 ஓட்டங்களைப் பெற்றது.  இதில் ஹூஸைன் 24, எஸ்.றூபன் 20, எம்.சனூஸ் 20 ஓட்டங்கள் முறையே பெற்றனர்.

 

பதிலுக்கு 133 ஓட்டங்கள் என்ற வெற்றியிலக்குடன் துடுப்பெடுத்தாடிய அம்பாறை மாவட்ட அணி 14.1 ஓவர்கள் முடிவில் ஏழு விக்கெட்டுகளை இழந்து வெற்றியிலக்கை அடைந்தது. இதில்  சிபான் 43 ஓட்டங்களையும் சாஸீர் 15 ஓட்டங்களையும் பெற்றனர்.

 

இந்த வெற்றிகளின் அடிப்படையில் பெண்கள் பிரிவில் திருகோணமலை மாவட்ட அணியும், ஆண்கள் பிரிவில் அம்பாறை மாவட்ட அணியும் கிழக்கு மாகாணம் சார்பாக தேசிய விளையாட்டு விழாவில் கலந்து கொள்ளவுள்ளதாக அக்கரைப்பற்று பிரதேச விளையாட்டு உத்தியோகத்தர் எம்.எச்.எம்.அஸ்வத் தெரிவித்தார்.

 

42ஆவது தேசிய விளையாட்டு விழா இம்முறை யாழ்ப்பாணத்தில் இடம்பெறுவதுடன், கிரிக்கெட் போட்டிகள் மட்டக்களப்பில் நடைபெறவுள்ளமை குறிப்பிடத்தக்கதாகும்.

ஜே.பி.எல் :பரிஷ், சென்றல், யூனியன்ஸ் வெற்றி

இடம்பெற்றுவரும் யாழ்ப்பாண பிறீமியர் லீக்கின் ஞாயிற்றுக்கிழமை (10) இடம்பெற்ற போட்டிகளில், மானிப்பாய் பரிஷ், சென்றல், யூனியன்ஸ் ஆகிய அணிகள் வெற்றி பெற்றுள்ளன.

 

பரிஷ், ஜொனியன்ஸ் ஆகிய அணிகளுக்கிடையிலான போட்டியில், நாணயச் சுழற்சியில் வெற்றி பெற்ற பரிஷ், ஜொனியன்ஸை முதலில் துடுப்பெடுத்தாடப் பணித்திருந்த நிலையில், முதலில் துடுப்பெடுத்தாடிய அவ்வணி, ஒன்பது விக்கெட்டுகளை இழந்து 153 ஓட்டங்களைப் பெற்றது. துடுப்பாட்டத்தில் அவ்வணி சார்பாக, அன்புஜன், ஜதீஸன் ஆகியோர் தலா 36 ஓட்டங்களையும் ஹரிபிரவீன் 33 ஓட்டங்களையும் பெற்றனர். பந்துவீச்சில் பரிஷ் சார்பாக, வினோத் 4, யாழினியான் 3, கிஷோக்குமார், சுபாஸ் ஆகியோர் தலா ஒவ்வொரு விக்கெட்டினை கைப்பற்றினர்.

 

பதிலுக்கு 154 ஓட்டங்கள் என்ற வெற்றியிலக்குடன் துடுப்பெடுத்தாடிய பரிஷ், 18.3 ஓவர்களில் நான்கு விக்கெட்டுகளை மாத்திரமே இழந்து வெற்றியிலக்கை அடைந்தது. துடுப்பாட்டத்தில், அவ்வணி சார்பாக, கோபிரசாத் 39, வினோத் ஆட்டமிழக்காமல் 38, நிதர்சன் 33 ஓட்டங்களைப் பெற்றனர். பந்துவீச்சில் ஜொனியன்ஸ் சார்பாக, லவேந்திரா, பிருந்தாபன், அகிலன் ஆகியோர் தலா ஒவ்வொரு விக்கெட்டினை கைப்பற்றினர். போட்டியின் நாயகனாக பரிஷின் வினோத் தெரிவானார்.

 

சென்றல், பற்றீசியன்ஸ் ஆகிய அணிகளுக்கிடையிலான போட்டியில், நாணயச் சுழற்சியில் வெற்றி பெற்ற சென்றல், முதலில் துடுப்பெடுத்தாடத் தீர்மானித்து, 20 ஓவர்கள் முடிவில் ஐந்து விக்கெட்டுகளை இழந்து 169 ஓட்டங்களைப் பெற்றது. துடுப்பாட்டத்தில், அவ்வணி சார்பாக, சுதர்சன் 57, ரஜீவ்குமார் 20, சுவாதீஸ் 18 ஓட்டங்களைப் பெற்றனர். பந்துவீச்சில், பற்றீசியன்ஸ் சார்பாக, மிலாந்தோ, நோபேர்ட், கிளின்டன் ஆகியோர் தலா மூன்று விக்கெட்டுகளைக் கைப்பற்றினர்.

 

பதிலுக்கு 170 ஓட்டங்கள் என்ற வெற்றியிலக்குடன் ஆடிய பற்றீசியன்ஸ், 19 ஓவர்களில் சகல விக்கெட்டுகளையும் இழந்து 146 ஓட்டங்களை மாத்திரமே பெற்று, 23 ஓட்டங்களால் தோல்வியடைந்தது. துடுப்பாட்டத்தில் அவ்வணி சார்பாக சதா 25, டொரிஸன் 24, லிவிங்டன்  23, கவஸ்கர் 22 ஓட்டங்களைப் பெற்றனர். பந்துவீச்சில் சென்றல் சார்பாக, சுவாதீஸ், சலிஸ்ரன் ஆகியோர் தலா நான்கு விக்கெட்டுகளையும் திருக்குமரன் ஒரு விக்கெட்டினையும் கைப்பற்றினர். போட்டியின் நாயகனாக சுவாதீஸ் தெரிவானார்.

 

இதேவேளை, யூனியன்ஸ், கிறாஸ்கொப்பர்ஸ் ஆகிய அணிகளுக்கிடையிலான போட்டியானது, இரண்டு அணிகளும் தாமதமாக வந்தமையால், 18 ஓவர்கள் கொண்ட போட்டியாக இடம்பெற்றிருந்தது. இதில், நாணயச் சுழற்சியில் வெற்றி பெற்று, முதலில் துடுப்பெடுத்தாடிய யூனியன்ஸ், 18 ஓவர்கள் முடிவில் நான்கு விக்கெட்டுகளை இழந்து 185 ஓட்டங்களைப் பெற்றது. துடுப்பாட்டத்தில் அவ்வணி சார்பாக, ஆகீஸன் 69, ஜான்சன் 50, டக்சயன் 34 ஓட்டங்களைப் பெற்றனர். பந்துவீச்சில் கிறாஸ்கொப்பர்ஸ் சார்பாக கோகுலன் 2, ஜனன்ராஜ் 1 விக்கெட்டினைக் கைப்பற்றினர்.

 

பதிலுக்கு 186 ஓட்டங்கள் என்ற வெற்றியிலக்கோடு துடுப்பெடுத்தாடிய  கிறாஸ்கொப்பர்ஸ், 18 ஓவர்களில் சகல விக்கெட்டுகளையும் இழந்து 79 ஓட்டங்களை மாத்திரமே பெற்று 106 ஓட்டங்களால் தோல்வியடைந்தது. துடுப்பாட்டத்தில் அவ்வணி சார்பாக, கோகுலதாஸ் 24, ரசீகரன் 16 ஓட்டங்களைப் பெற்றனர். பந்துவீச்சில், யூனியன்ஸ் சார்பாக தர்ஷன், தயாளன் ஆகியோர் தலா மூன்று விக்கெட்டுகளையும் ரகுபதி இரண்டு விக்கெட்டினையும் கைப்பற்றினர். 

ஜே.பி.எல்: கிறாஸ்கொப்பர்ஸ், ஸ்கந்தாஸ்டார்ஸ் வெற்றி

யாழ். இந்துக் கல்லூரி மைதானத்தில் இடம்பெற்று வரும் யாழ்ப்பாண பிறீமியர் லீக்கின் புதன்கிழமை (06) இடம்பெற்ற போட்டிகளில் கிறாஸ்கொப்பர்ஸ், ஸ்கந்தாஸ்டார்ஸ் ஆகிய அணிகள் வெற்றி பெற்றுள்ளன.

மானிப்பாய் பரிஷ், ஸ்கந்தாஸ்டார்ஸ் ஆகிய அணிகளுக்கிடையில் இடம்பெற்ற போட்டியில், நாணயச் சுழற்சியில் வெற்றி பெற்ற பரிஷ் முதலில் துடுப்பெடுத்தாடி, 20 ஓவர்கள் முடிவில் ஏழு விக்கெட்டுகளை இழந்து 159 ஓட்டங்களைப் பெற்றது. துடுப்பாட்டத்தில் அவ்வணி சார்பாக, சஜீத் 82, ஜெயதீபன் 23, நிதர்ஷன் 18, கோபிரஷாந்த் 12  ஓட்டங்களைப் பெற்றனர். பந்துவீச்சில் ஸ்கந்தாஸ்டார்ஸ் சார்பாக, துவிசன், சிந்துஜன் ஆகியோர் தலா இரண்டு விக்கெட்டுகளையும் விஷ்ணுபிரகாஷ் ஒரு விக்கெட்டினையும் கைப்பற்றினர்.

பதிலுக்கு 160 ஓட்டங்கள் என்ற வெற்றியிலக்குடன் துடுப்பெடுத்தாடிய ஸ்கந்தாஸ்டார்ஸ்,  18.1 ஓவர்களில் எட்டு விக்கெட்டுகளை இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக, கதியோன் 53, துவிசன் 22, நிரோஜன் 21, சயந்தன் 17 ஓட்டங்களைப் பெற்றனர். பந்துவீச்சில் பரிஷ் சார்பாக, சுபாஸ் மூன்று, யாழினியன், கிசோ ஆகியோர் தலா இரண்டு விக்கெட்டுகளையும் சஜீத் ஒரு விக்கெட்டினையும் கைப்பற்றினர். போட்டியின் நாயகனாக கதியோன் தெரிவானார்.

சென்றல், கிறாஸ்கொப்பர்ஸ் ஆகிய அணிகளுக்கிடையிலான போட்டியில் நாணயச் சுழற்சியில் வெற்றி பெற்ற சென்றல், கிறாஸ்கொப்பர்ஸ் அணியை முதலில் துடுப்பெடுத்தாடப் பணித்தது. அந்தவகையில், முதலில் துடுப்பெடுத்தாடிய கிறாஸ்கொப்பர்ஸ்20 ஓவர்கள் முடிவில் மூன்று விக்கெட்டுகளை இழந்து 246 ஓட்டங்களைப் பெற்றது. துடுப்பாட்டத்தில் அவ்வணி சார்பாக, அஜித் ஆட்டமிழக்காமல் 107, கபிலன் 48, மதுஷன் 35, டிலோஜன் 34 ஓட்டங்களைப் பெற்றனர். பந்துவீச்சில் சென்றல் சார்பாக சலிஸ்ரன் இரண்டு, மில்லர் ஒரு விக்கெட்டினை கைப்பற்றினர்.

பதிலுக்கு 247 ஓட்டங்கள் என்ற வெற்றியிலக்குடன் துடுப்பெடுத்தாடிய சென்றல், 20 ஓவர்கள் முடிவில் ஆறு விக்கெட்டுகளை இழந்து 190 ஓட்டங்களை மாத்திரமே பெற்று 56 ஓட்டங்களால் தோல்வியடைந்தது. துடுப்பாட்டத்தில் அவ்வணி சார்பாக சலிஸ்ரன் 79, காளஸ் 68, பாலேந்திரா 15 ஓட்டங்களைப் பெற்றனர்.  பந்துவீச்சில் கிறாஸ்கொப்பர்ஸ் சார்பாக ஜனந்தன், ஹட்ரிக் உள்ளடங்கலாக ஐந்து விக்கெட்டுகளை கைப்பற்றியதோடு, ராஜகாந்தன் ஒரு விக்கெட்டினை கைப்பற்றினார். போட்டியின் நாயகனாக அஜித் தெரிவானார்.

 

ஜான்சனின் அதிரடியால் சென்றலைட்ஸ் வெற்றி

யாழ்ப்பாணத்தின் அண்மைக்கால கிரிக்கெட் வரலாற்றின் மிக முக்கியமான தொடர்களில் ஒன்றான யாழ்ப்பாண பிறீமியர் லீக்கின் கடந்த வாரயிறுதியில் இடம்பெற்ற போட்டிகளில், ஜொலிஸ்டார், ஸ்ரீகாமாட்சி, சென்றலைட்ஸ், மானிப்பாய் பரிஷ்,, ஜொனியன்ஸ் ஆகிய அணிகள் வெற்றி பெற்றுள்ளன.

அந்தவகையில், பற்றீசியன்ஸ், ஜொலிஸ்டார் அணிகளுக்கிடையிலான குழு ஒன்று போட்டியொன்றில் எட்டு விக்கெட்டுகளால் ஜொலிஸ்டார் வெற்றி பெற்றிருந்தது. இப்போட்டியில், முதலில் துடுப்பெடுத்தாடிய பற்றீசியன்ஸ், ரீயூடரின் 22, சதானந்தனின் 16 ஓட்டங்களோடு 20 ஓவர்கள் முடிவில் எட்டு விக்கெட்டுகளை இழந்து 124 ஓட்டங்களைப் பெற்றிருந்தது. பந்துவீச்சில் ஜொலிஸ்டார் சார்பாக வாமணன் 3, கல்கோகன், மது, கஜானா ஆகியோர் தலா ஒவ்வொரு விக்கெட்டுகளை வீழ்த்தினர்.

 

பதிலுக்கு 125 ஓட்டங்களை வெற்றியிலக்காகக் கொண்டு துடுப்பெடுத்தாடிய ஜொலிஸ்டார், 14.2 ஓவர்களில் இரண்டு விக்கெட்டுகளை மாத்திரம் இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக, சஜீகன் ஆட்டமிழக்காமல் 56 ஓட்டங்களையும் கல்கோகன் 42 ஓட்டங்களையும் பெற்றனர். பந்துவீச்சில் பற்றீசியன்ஸ் சார்பாக மொறிஸ், நோபேர்ட் ஆகியோர் தலா ஒவ்வொரு விக்கெட்டினை வீழ்த்தினர். போட்டியின் நாயகனாக சஜீகன் தெரிவானார்.

 

ஸ்ரீகாமாட்சி, கொக்குவில் மத்தி கிரிக்கெட் கழகத்துக்குமிடையிலான போட்டியில் ஐந்து ஓட்டங்களால் ஸ்ரீகாமாட்சி வெற்றி பெற்றிருந்தது. முதலில் துடுப்பெடுத்தாடிய ஸ்ரீகாமாட்சி, 20 ஓவர்களில் ஆறு விக்கெட்டுகளை இழந்து 155 ஓட்டங்களைப் பெற்றது. துடுப்பாட்டத்தில் அவ்வணி சார்பாக, மோகன்ராஜ் 43, ரஜீவராஜ் 31, துவாரகன் 23, சுஜன் 22 ஓட்டங்களைப் பெற்றனர். பந்துவீச்சில் கொக்குவில் மத்தி கிரிக்கெட் கழகம் சார்பாக இராகுலன், தனுசன் தலா இரண்டு விக்கெட்டுகளையும் உத்தமன் ஒரு விக்கெட்டினையும் கைப்பற்றினர்.

 

பதிலுக்கு 156 ஓட்டங்கள் என்ற வெற்றியிலக்குடன் துடுப்பெடுத்தாடிய கொக்குவில் மத்தி கிரிக்கெட் கழகம் 20 ஓவர்கள் முடிவில் ஏழு விக்கெட்டுகளை இழந்து 150 ஓட்டங்களை மாத்திரமே பெற்று ஐந்து ஓட்டங்களால் தோல்வியடைந்தது. துடுப்பாட்டத்தில், அவ்வணி சார்பாக சசிகரன் 32, ஜெயரூபன் 22, ஆதித்தன் 20, இராகுலன் 13 ஓட்டங்களைப் பெற்றனர். பந்துவீச்சில் ஸ்ரீகாமாட்சி சார்பாக சுஜன் 3, லிங்கநாதன், ராம் ஆகியோர் தலா ஒவ்வொரு விக்கெட்டினை கைப்பற்றினர். இப்போட்டியின் நாயகனாக சுஜன் தெரிவானார்.

 

இதேவேளை, சென்றலைட்ஸ், கிறாஸ்கொப்பர்ஸ் ஆகிய அணிகளுக்கிடையிலான போட்டியில் 103 ஓட்டங்களால் கிறாஸ்கொப்பர்ஸை சென்றலைட்ஸ் தோற்கடித்தது. இப்போட்டியில், முதலில் துடுப்பெடுத்தாடிய சென்றலைட்ஸ், 20 ஓவர்கள் முடிவில் ஆறு விக்கெட்டுகளை இழந்து 239 ஓட்டங்களைப் பெற்றது. துடுப்பாட்டத்தில் அவ்வணி சார்பாக ஜேம்ஸ் ஜான்ஸன் 134, ஜூலியஸ் 44 ஓட்டங்களைப் பெற்றனர். பந்துவீச்சில் கிறாஸ்கொப்பர்ஸ் சார்பாக, ஜனந்தன், சரண்ராஜ் ஆகியோர் தலா இரண்டு விக்கெட்டுகளையும் கபிலன், கோகுலன் ஆகியோர் தலா ஒவ்வொரு விக்கெட்டினையும் கைப்பற்றினர்.

 

240 ஓட்டங்கள் என்ற வெற்றியிலக்குடன் துடுப்பெடுத்தாடிய கிறாஸ்கொப்பர்ஸ், 18 ஓவர்களில் சகல விக்கெட்டுகளையும் இழந்து 136 ஓட்டங்களைப் பெற்று 103 ஓட்டங்களால் தோல்வியடைந்தது. துடுப்பாட்டத்தில் அவ்வணி சார்பாக, மதுஷன் 24, சாரங்கன் 22, டிலோஷன் 17, கபிலன், அஜித் ஆகியோர் தலா 14 ஓட்டங்களைப் பெற்றனர். பந்துவீச்சில் சென்றலைட்ஸ் சார்பாக கிருபா நான்கு விக்கெட்டுகளையும் ஜெரிக், கோகுலன் ஆகியோர் தலா இரண்டு விக்கெட்டுகளையும் ஜான்சன் ஒரு விக்கெட்டினையும் கைப்பற்றினர். போட்டியின் நாயகனாக ஜான்சன் தெரிவானார்.

தின்னைவேலி கிரிக்கெட் கழகம், மானிப்பாய் பரிஷ், ஆகிய அணிகளுக்கிடையிலான போட்டியில் ஆறு விக்கெட்டுகளினால் மானிப்பாய் பரிஸ் வெற்றி பெற்றது. முதலில் துடுப்பெடுத்தாடிய தின்னைவேலி கிரிக்கெட் கழகம், 19.3 ஓவர்களில் சகல விக்கெட்டுகளையும் இழந்து 151 ஓட்டங்களைப் பெற்றது. துடுப்பாட்டத்தில் அவ்வணி சார்பாக, சிவரதன் 42, றொஹான் 24, லவகாந் 23, கீர்த்திகன் 18, சசிந்தன் 13 ஓட்டங்களைப் பெற்றனர். பந்துவீச்சில் மானிப்பாய் பரிஷ் சார்பாக வினோத், ஹட்ரிக் உள்ளடங்கலாக ஐந்து விக்கெட்டுகளையும் டிலக்ஷன் 2, கிஷோக்குமார் ஒரு விக்கெட்டினையும் வீழ்த்தினர்.

 

பதிலுக்கு 152 ஓட்டங்கள் என்ற வெற்றியிலக்கோடு ஆடிய மானிப்பாய் பரிஷ், 17.4 ஓவர்களில் நான்கு விக்கெட்டுகளை மாத்திரமே இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக, வினோத் ஆட்டமிழக்காமல் 46 ஓட்டங்களையும் கோபிரஷாந் 35 ஓட்டங்களையும் கிஷோக்குமார் 28 ஓட்டங்களையும் பெற்றனர். பந்துவீச்சில், தின்னைவேலி கிரிக்கெட் கழகம் சார்பாக சுரேந்திரன் இரண்டு விக்கெட்டுகளை வீழ்த்தினார். இப்போட்டியின் நாயகனாக  வினோத் தெரிவானார்.

 

ஸ்ரீகாமாட்சி, ஜொனியன்ஸ் ஆகிய அணிகளுக்கிடையிலான போட்டியில், ஆறு விக்கெட்டுகளினால் ஜொனியன்ஸ் வெற்றி பெற்றது. இப்போட்டியில், முதலில் துடுப்பெடுத்தாடிய ஸ்ரீகாமாட்சி, சகல விக்கெட்டுகளையும் இழந்து 138 ஓட்டங்களைப் பெற்றது. துடுப்பாட்டத்தில் அவ்வணி சார்பாக  தீபன் 30, பபிதரன் 28, கஜீவன் 18, துவாரகன் 13 ஓட்டங்களைப் பெற்றனர். பந்துவீச்சில் ஜொனியன்ஸ் சார்பாக, அன்புஜன் 3, டக்சன் 2, லவேந்திரா, பிருந்தாபன், சஞ்சயன் ஆகியோர் தலா ஒவ்வொரு விக்கெட்டினை வீழ்த்தினர்.

 

பதிலுக்கு 139 ஓட்டங்களை வெற்றியிலக்காகக் கொண்டு துடுப்பெடுத்தாடிய ஜொனியன்ஸ், 18.3 ஓவர்களில் வெற்றியிலக்கை அடைந்தது. துடுப்பாட்டத்தில், அவ்வணி சார்பாக கபில்ராஜ் ஆட்டமிழக்காமல் 67, அன்புஜன் 25 ஓட்டங்களைப் பெற்றனர். பந்துவீச்சில் ஸ்ரீகாமாட்சி சார்பாக மோகன்ராஜ் 2, சுதர்சன் 1 விக்கெட்டினைக் கைப்பற்றினர். இப்போட்டியின் நாயகனாக கபில்ராஜ் தெரிவானார். 

 

நாளை மறுதினம் புதன்கிழமை (06) காலை எட்டு மணிக்கு இடம்பெறவுள்ள போட்டியில், மானிப்பாய் பரிஸை எதிர்த்து ஸ்‌கந்தாஸ்டார்ஸ் மோதவுள்ளதுடன், பிற்பகல் இரண்டு மணிக்கு இடம்பெறவுள்ள போட்டியில், சென்றலை எதிர்த்து கிறாஸ்கொப்பர்ஸ் மோதவுள்ளது.

 

கழுகுகள் கிரிக்கெட் இரவு: முடிசூடியது சாவகச்சேரி சிவன்

 

அமரர் மார்க்கண்டு நாகராசா ஞாபகார்த்தமாக, வல்வெட்டித்துறை நெற்கொழு கழுகுகள் விளையாட்டுக் கழகம், கடந்த வெள்ளிக்கிழமை (24), சனிக்கிழமை (25), ஞாயிற்றுக்கிழமைகளில் (26) தமது மைதானத்தில் நடாத்திய கழுகுகள் கிரிக்கெட் இரவு என வர்ணித்து நடாத்திய, அணிக்கு எட்டு பேர், ஆறு ஓவர்கள் கொண்ட, நாடாளாவிய ரீதியிலிருந்து 52 அணிகள் பங்கு கொண்ட, விலகல் முறையிலான மாபெரும் மென்பந்தாட்ட கிரிக்கெட் சுற்றுப் போட்டியின் சம்பியனாக சாவகச்சேரி சிவன் விளையாட்டுக் கழகம், சம்பியனாக முடிசூடிக் கொண்டது.

 

சிவன் விளையாட்டுக் கழகத்துக்கும் மட்டக்களப்பு டிஸ்கோ விளையாட்டுக் கழகத்தின் பி அணிக்குமிடையே இடம்பெற்ற இறுதிப் போட்டியில், நாணயச்சுழற்சியில் வெற்றி பெற்ற டிஸ்கோ பி அணி, சிவன் விளையாட்டுக் கழகத்தை முதலில் துடுப்பெடுத்தாடப் பணித்தது.

 

அதன்படி, முதலில் துடுப்பெடுத்தாடிய சிவன் விளையாட்டுக் கழகம், ஆறு ஓவர்கள் முடிவில் ஆறு விக்கெட்டுகளை இழந்து 44 ஓட்டங்களைப் பெற்றது. துடுப்பாட்டத்தில் அவ்வணி சார்பாக தர்ஷன், எட்டுப் பந்துகளில், 2, ஆறு ஓட்டங்கள், 1, நான்கு ஓட்டம் உள்ளடங்கலாக 17 ஓட்டங்களைப் பெற்றிருந்தார்.

 

பந்துவீச்சில், டிஸ்கோ பி அணி சார்பாக, இரண்டு ஓவர்கள் பந்துவீசிய அபி, 11 ஓட்டங்களை விட்டுக்கொடுத்து இரண்டு விக்கெட்டுகளையும் இலங்கை தேசிய அணிக்கு தெரிவாகியிருந்த சஞ்சீவன், தனது ஓவரில், நான்கு ஓட்டங்களை விட்டுக்கொடுத்து இரண்டு விக்கெட்டுகளையும் கைப்பற்றினர்.

 

பதிலுக்கு 45 ஓட்டங்களை வெற்றி இலக்காகக் கொண்டு துடுப்பெடுத்தாடிய டிஸ்கோ பி அணி, ஆறு ஓவர்கள் முடிவில் ஆறு விக்கெட்டுகளை இழந்து 43 ஓட்டங்களைப் பெற்று, பரிதாபகரமாக ஒரு ஓட்டத்தால் தோல்வியைத் தளுவியது. துடுப்பாட்டத்தில் அவ்வணி சார்பாக, மூன்று பந்துகளை எதிர்கொண்ட ஆனந், 2, ஆறு ஓட்டங்கள் உள்ளடங்கலாக 12 ஓட்டங்களைப் பெற்றிருந்தார்.

 

பந்துவீச்சில் சிவன் விளையாட்டுக் கழகம் சார்பாக, இரண்டு ஓவர்கள் பந்துவீசிய தீபன், 13 ஓட்டங்களை விட்டுக் கொடுத்து மூன்று விக்கெட்டுகளை கைப்பற்றியதுடன், தர்ஷன் தனது ஓவரில், ஏழு ஓட்டங்களை விட்டுக் கொடுத்து ஒரு விக்கெட்டினை கைப்பற்றியிருந்தார்.

 

மேற்படி இறுதிப் போட்டியின் நாயகனாக, சாவகச்சேரி சிவன் விளையாட்டுக் கழகத்தின் தர்சன் தெரிவானார்.

 

இத்தொடரில் பங்கேற்ற 52 அணிகளும் நான்கு குழுக்களாக பிரிக்கப்பட்டு, ஒவ்வொரு குழுவிலும் 13 அணிகள் இடம்பெற்று, விலகல் முறையிலேயே போட்டிகள் இடம்பெற்றிருந்தன.

 

அந்தவகையில், குழு ஏயிற்கான காலிறுதிப் போட்டியில், கொக்குவில் ஸ்ரீ காமாட்சி விளையாட்டுக் கழகத்தை ஒன்பது ஓட்டங்களால் தோற்கடித்து, சாவகச்சேரி சிவன் விளையாட்டுக் கழகம் அரையிறுதிக்கு தகுதி பெற்றதுடன், குழு பியிற்கான காலிறுதிப் போட்டியில், பருத்தித்துறை வீனஸ் விளையாட்டுக் கழகத்தை இரண்டு விக்கெட்டுகளால் தோற்கடித்து அரியாலை ஐக்கியம் விளையாட்டுக் கழகம் அரையிறுதிக்கு தகுதி பெற்றிருந்ததுடன், குழு சியிற்கான காலிறுதிப் போட்டியில், மட்டக்களப்பு டிஸ்கோ விளையாட்டுக் கழகத்தின் ஏ அணியினை ஆறு விக்கெட்டுகளால் தோற்கடித்து கொக்குவில் ஏ.பி விளையாட்டுக் கழகம் அரையிறுதிக்கு சென்றதுடன், குழு டியிற்கான காலிறுதிப் போட்டியில், வதிரி ஸ்ரீ முருகன் விளையாட்டுக் கழகத்தினை ஐந்து விக்கெட்டுகளால் தோற்கடித்து மட்டக்களப்பு டிஸ்கோ விளையாட்டுக் கழகத்தின் பி அணியும் அரையிறுதிக்கு தகுதி பெற்றிருந்தன.

 

முதலாவது அரையிறுதிப் போட்டியில், அரியாலை ஐக்கிய விளையாட்டுக் கழகத்தினை எட்டு ஓட்டங்களால் தோற்கடித்து சாவகச்சேரி சிவன் விளையாட்டுக் கழகம், இறுதிப் போட்டிக்கு தகுதி பெற்றிருந்ததோடு, இரண்டாவது அரையிறுதியில், கொக்குவில் ஏ.பி விளையாட்டுக் கழகத்தினை 38 ஓட்டங்களால் தோற்கடித்து மட்டக்களப்பு டிஸ்கோ விளையாட்டுக் கழகத்தின் பி அணி இறுதிப் போட்டிக்கு தகுதி பெற்றிருந்தது.   

கிறாஸ்கொப்பர்ஸ் பிறீமியர் லீக்: சம்பியனானது டொப் சலஞ்சேர்ஸ்

இந்தியன் பிறீமியர் லீக் போட்டிகளைப் போன்று, உரிமையாளர்களே தங்கள் அணிகளைத் தேர்ந்தெடுத்த கிறாஸ்கொப்பர்ஸ் பிறீமியர் லீக்கின் முதலாவது பருவகால சம்பியனாக சலஞ்சேர்ஸ் தெரிவாகியுள்ளது.

மகாஜனக் கல்லூரியின் பழைய மாணவர்கள் ஞாபகார்த்தமாக கிறாஸ்கொப்பர்ஸ் விளையாட்டுக் கழகத்தினால் ஏற்பாடு செய்யப்பட்டுள்ள இந்தத் தொடரானது, ஆறு பேர் கொண்ட அணிகளுக்கிடையிலான ஐந்து ஓவர்களைக் கொண்டதாக மகாஜனக் கல்லூரியில் இடம்பெற்றிருந்தது.

 

இத்தொடரில் ஆறு அணிகள் பங்கேற்றிருந்த நிலையில், டொப் சலஞ்சேர்ஸ், லீப் கட்டர்ஸ், சுப்பர் றைடர்ஸ் ஆகிய அணிகள் ஒரு குழுவாகவும் ஃபாஸ்ட் டொல்பின்ஸ், டீப் டைவர்ஸ், ஸ்பெஷல் கிங்ஸ் ஆகிய அணிகள் ஒரு குழுவாகவும் இடம்பெற்று, அந்தந்த குழுக்களுக்கிடையே ஒவ்வொரு அணியும் ஏனைய அணியுடன் விளையாடி, ஒவ்வொரு குழுவிலும் முதலிடம் பிடிக்கும் அணிகள் இறுதிப் போட்டிக்கு தகுதி பெற்றிருந்தன.

 

அந்தவகையில், தமது குழுவில், லீப் கட்டர்ஸ், சுப்பர் றைடர்ஸ் ஆகிய அணிகளை வீழ்த்திய  டொப் சலஞ்சேர்ஸ், அக்குழுவிலிருந்து இறுதிப் போட்டிக்கு தகுதி பெற்றிருந்ததோடு, தமது குழுவில், டீப் டைவர்ஸ், ஸ்பெஷல் கிங்ஸ் ஆகிய அணிகளை தோற்கடித்து, ஃபாஸ்ட் டொல்பின்ஸ், தமது குழுவிலிருந்து இறுதிப் போட்டிக்கு தகுதி பெற்றிருந்தது.

 

டொப் சலஞ்சேர்ஸ், ஃபாஸ்ட் டொல்பின்ஸ் அணிகளுக்கிடையிலான இறுதிப் போட்டியில், நாணயச் சுழற்சியில் வெற்றி பெற்ற ஃபாஸ்ட் டொல்பின்ஸ், டொப் சலஞ்சேர்ஸ் அணியை முதலில் துடுப்பெடுத்தாடப் பணித்தது.

 

அந்தவகையில், முதலில் துடுப்பெடுத்தாடிய டொப் சலஞ்சேர்ஸ், ஐந்து ஓவர்கள் முடிவில் இரண்டு விக்கெட்டுகளை இழந்து 92 ஓட்டங்களைக் குவித்தது. துடுப்பாட்டத்தில் அவ்வணி சார்பாக, கஜானன் 14 பந்துகளில் 38 ஓட்டங்களையும் அணித்தலைவர் வினோத், 11 பந்துகளில் 32 ஓட்டங்களையும் பெற்றனர். பந்துவீச்சில், ஃபாஸ்ட் டொல்பின்ஸ் அணி சார்பாக லினோத்தன் தனது ஓவரில் 12 ஓட்டங்களை விட்டுக் கொடுத்து ஒரு விக்கெட்டை கைப்பற்றியிருந்தார்.

பதிலுக்கு 93 ஓட்டங்கள் என்ற வெற்றி இலக்கை கொண்டு துடுப்பெடுத்தாடிய ஃபாஸ்ட் டொல்பின்ஸ், ஐந்து ஓவர்கள் முடிவில் இரண்டு விக்கெட்டுகளை இழந்து 80 ஓட்டங்களை மாத்திரமே பெற்று 12 ஓட்டங்களால் தோல்வியடைந்தது, அவ்வணி சார்பாக ஸ்ரீகுகன் ஆட்டமிழக்காமல் 17 பந்துகளில் 41 ஓட்டங்களையும் அணித்தலைவர் சுயாந்தன் 10 பந்துகளில் 31 ஓட்டங்களைப் பெற்றனர். பந்துவீச்சில், டொப் சலஞ்சேர்ஸ் அணி சார்பாக பிருந்தாவன், தனது ஓவரில் ஏழு ஓட்டங்களை மாத்திரம் விட்டுக் கொடுத்து ஒரு விக்கெட்டை கைப்பற்றியிருந்தார்.

இறுதிப் போட்டியின் நாயகனாக டொப் சலஞ்சேர்ஸ் அணியின் கஜானான் தெரிவானதோடு, தொடரின் நாயகனாகவும், தொடரில் அதிகமாக 103 ஓட்டங்களைக் குவித்து தொடரின் அதிக ஓட்டங்களைப் பெற்ற துடுப்பாட்டவீரராகவும் அதேயணியைச் சேர்ந்த வினோத் தெரிவானதோடு, தொடரின் அதிக விக்கெட்டுகளை கைப்பற்றிய பந்துவீச்சாளராக பிருந்தாவன் தெரிவானதோடு, தொடரின் சிறந்த களத்தடுப்பாளராக சுப்பர் றைடர்ஸ் அணியின் டி.சுதர்சன் தெரிவானதோடு, தொடரில் அதிக ஆறு ஓட்டங்களைப் பெற்ற வீரராக, ஒன்பது ஆறு ஓட்டங்களைப் பெற்று லீப் கட்டர்ஸ் அணியின் சரண்ராஜ்ஜும் தெரிவாகினர்.

யாழ்ப்பாண கிரிக்கெட் சங்கத்தில் அங்கம் வகிக்கும் 18 அணிகளிலிருந்து தலா இரண்டு சகலதுறை வீரர்கள் தெரிவு செய்யப்பட்டு ஆறு பேர் கொண்ட ஆறு அணிகளாக பிரிக்கப்பட்டதோடு, கிறாஸ்கொப்பர்ஸ் விளையாட்டுக் கழகத்திலிருந்து ஆறு வீரர்கள், ஒவ்வொரு அணிக்கும் வழங்கப்பட்டே இந்தத் தொடரில் அணிகள் அமைக்கப்பட்டிருந்தன.

ஜே.பி.எல்: சென்றலைட்ஸ், கொக்குவில் மத்தி, சென்றல் வெற்றி

யாழ்ப்பாணத்தின் அண்மைக்கால கிரிக்கெட் வரலாற்றில் மிக முக்கியமான தொடர்களில் ஒன்றான யாழ்ப்பாண பிறீமியர் லீக் (ஜே.பி.எல்) கடந்த வாரயிறுதியில் ஆரம்பித்திருந்த நிலையில், முதல் வாரப் போட்டிகளில், சென்றலைட்ஸ், கொக்குவில் மத்தி, சென்றல் ஆகியவை வெற்றி பெற்றுள்ளன.

 

சென்றலைட்ஸ் விளையாட்டுக் கழகத்துக்கும் பற்றீசியன்ஸ் விளையாட்டுக் கழகத்துக்குமிடையிலான முதலாவது போட்டியில், நாணயச் சுழற்சியில் வெற்றி பெற்ற சென்றலைட்ஸ், பற்றீசியன்ஸை முதலில் துடுப்பெடுத்தாடப் பணித்தது.

 

அந்தவகையில், முதலில் துடுப்பெடுத்தாடிய பற்றீசியன்ஸ், 19.1 ஓவர்களில் சகல விக்கெட்டுகளையும் இழந்து 100 ஓட்டங்களைப் பெற்றது. துடுப்பாட்டத்தில், அவ்வணி சார்பாக நோபேர்ட் 28, டானியல் 20 ஓட்டங்களைப் பெற்றனர். பந்துவீச்சில், சென்றலைட்ஸ் சார்பாக கோகுலன் மூன்று விக்கெட்டுகளையும் வதூசனன், மயூரன், கிருபா ஆகியோர் தலா இரண்டு விக்கெட்டுகளை கைப்பற்றினர்.

 

பதிலுக்கு 101 என்ற வெற்றி இலக்கோடு ஆடிய சென்றலைட்ஸ், 12.3 ஓவர்கள் முடிவில் ஐந்து விக்கெட்டுகளை இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக, ஜனோசன் 34, ஜூலியஸ் 24, வதூசனன் 22 ஓட்டங்களைப் பெற்றனர். பந்துவீச்சில், பற்றீசியன்ஸ் சார்பாக, அஜித், மொறிஸ் ஆகியோர் தலா ஒவ்வொரு விக்கெட்டினை கைப்பற்றினர். போட்டியின் நாயகனாக ஜனோசன் தெரிவானார்.

 

இரண்டாவது போட்டியில், கொக்குவில் மத்தி கிரிக்கெட் கழகத்தை எதிர்த்து ஸ்கந்தா ஸ்டார்ஸ் விளையாட்டுக் கழகம் மோதியிருந்த நிலையில், நாணயச் சுழற்சியில் வெற்றி பெற்ற கொக்குவில் மத்தி, ஸ்கந்தா ஸ்டார்ஸை முதலில் துடுப்பெடுத்தாடப் பணித்தது.

 

அந்தவகையில், முதலில் துடுப்பெடுத்தாடிய ஸ்கந்தா ஸ்டார்ஸ், 19.4 ஓவர்களில் சகல விக்கெட்டுகளையும் இழந்து 103 ஓட்டங்களைப் பெற்றது. துடுப்பாட்டத்தில் அவ்வணி சார்பாக, விஷ்ணு 29, சுயந்தன் 27 ஓட்டங்களைப் பெற்றனர். பந்துவீச்சில், கொக்குவில் மத்தி சார்பாக, உத்தமன் நான்கு விக்கெட்டுகளையும் இராகுலன், ஜெயரூபன் ஆகியோர் தலா ஒவ்வொரு விக்கெட்டினையும் கைப்பற்றினர்.

 

பதிலுக்கு, 104 ஓட்டங்கள் என்ற வெற்றி இலக்கோடு ஆடிய கொக்குவில் மத்தி, எதுவித விக்கெட் இழப்புமின்றி 9.3 ஓவர்களில் அதிரடியாக வெற்றியிலக்கை அடைந்தது. துடுப்பாட்டத்தில் அவ்வணி சார்பாக, ஜெயரூபன் ஆட்டமிழக்காமல் 76 ஓட்டங்களையும் சசிகரன் ஆட்டமிழக்காமல் 14 ஓட்டங்களையும் பெற்றனர். போட்டியின் நாயகனாக ஜெயரூபன் தெரிவானார்.

 

சென்றல் விளையாட்டுக் கழகத்துக்கும் யூனியன்ஸ் விளையாட்டுக் கழகத்துக்குமிடையிலான மூன்றாவது போட்டியில், முதலில் துடுப்பெடுத்தாடிய யூனியன்ஸ், 19.1 ஓவர்களில் சகல விக்கெட்டுகளையும் இழந்து 102 ஓட்டங்களைப் பெற்றது. துடுப்பாட்டத்தில் அவ்வணி சார்பாக ஆகீஸன் 12, கனிஸ்ரன், மகதீரன் ஆகியோர் தலா 11 ஓட்டங்களைப் பெற்றனர். பந்துவீச்சில் சென்றல் சார்பாக, காலஸ், திருக்குமரன், உல்ஹப், சலிஸ்ரன் ஆகியோர் தலா இரண்டு விக்கெட்டுகளையும் ரஜீவ்குமார் ஒரு விக்கெட்டையும் கைப்பற்றினர்.

 

பதிலுக்கு, 103 ஓட்டங்களை வெற்றியிலக்காக கொண்டு துடுப்பெடுத்தாடிய சென்றல், 12.3 ஓவர்களில் நான்கு விக்கெட்டுகளை மாத்திரமே இழந்து வெற்றியிலக்கை அடைந்தது. துடுப்பாட்டத்தில் அவ்வணி சார்பாக, ரஜீவ்குமார் ஆட்டமிழக்காமல் 40, கலிஸ்ரன் 22 ஓட்டங்களைப் பெற்றனர். பந்துவீச்சில், யூனியன்ஸ் சார்பாக அருண்ராஜ் இரண்டு விக்கெட்டுகளையும் சுஜந்தன், தயாளன் ஆகியோர் தலா ஒவ்வொரு விக்கெட்டினையும் கைப்பற்றினர். போட்டியின் நாயகனாக ரஜீவ்குமார் தெரிவானார்.