Category Archives: Results

இங்கிலாந்தை வென்றது மேற்கிந்தியத் தீவுகள்

 

இங்கிலாந்து, மேற்கிந்தியத் தீவுகள் அணிகளுக்கிடையிலான ஒற்றை இருபதுக்கு – 20 சர்வதேசப் போட்டியில், மேற்கிந்தியத் தீவுகள் அணி வென்றுள்ளது.

 

செஸ்டர் லி ஸ்றீட்டில், நேற்று  (16) நடைபெற்ற இப்போட்டியின் நாணயச் சுழற்சியில் வெற்றிபெற்ற இங்கிலாந்து அணியின் தலைவர் ஒயின் மோர்கன், தமது அணி முதலில் களத்தடுப்பில் ஈடுபடும் என அறிவித்தார்.

 

அந்தவகையில், முதலில் துடுப்பெடுத்தாடிய மேற்கிந்தியத் தீவுகள் அணி, 20 ஓவர்களில், 9 விக்கெட்டுகளை இழந்து 176 ஓட்டங்களைப் பெற்றது. துடுப்பாட்டத்தில், எவின் லூயிஸ் 51 (28), கிறிஸ் கெய்ல் 40 (21), றொவ்மன் பவல் 28 (19) ஓட்டங்களைப் பெற்றனர். பந்துவீச்சில், அடில் றஷீட், லியம் பிளங்கெட் ஆகியோர் தலா 3 விக்கெட்டுகளைக் கைப்பற்றினர்.

 

பதிலுக்கு, 177 ஓட்டங்கள் என்ற வெற்றியிலக்குடன் துடுப்பெடுத்தாடிய இங்கிலாந்து, 19.3 ஓவர்களில், சகல விக்கெட்டுகளையும் இழந்து 155 ஓட்டங்களை மாத்திரமே பெற்று 21 ஓட்டங்களால் தோல்வியடைந்தது. துடுப்பாட்டத்தில், அலெக்ஸ் ஹேல்ஸ் 43 (17), ஜொஸ் பட்லர் 30 (27), ஜொனி பெயர்ஸ்டோ 27 (21), லியம் பிளங்கெட் 18 (11) ஓட்டங்களைப் பெற்றனர்.  பந்துவீச்சில், கார்லோஸ் பிறத்வெய்ட், கெஷ்ரிக் வில்லியம்ஸ் ஆகியோர் தலா 3 விக்கெட்டுகளையும் சுனில் நரைன் 2 விக்கெட்டுகளையும் கைப்பற்றினர்.

 

போட்டியின் நாயகனாக, சுனில் நரைன் தெரிவானார்.

உலக பதினொருவர் அணி வென்றது

 

இலங்கை அணியின் திஸர பெரேரா, அதிரடியான விளையாட்டை வெளிப்படுத்த, பாகிஸ்தான் அணிக்கெதிரான சுதந்திரக் கிண்ணத்துக்கான தொடரின் 2ஆவது போட்டியில், உலக பதினொருவர் அணி வெற்றிபெற்றது.

 

லாகூரில் நேற்று இடம்பெற்ற இப்போட்டியில், நாணயச் சுழற்சியில் வெற்றிபெற்ற பாகிஸ்தான் அணி, முதலில் துடுப்பெடுத்தாடத் தீர்மானித்தது. இதன்படி களமிறங்கிய பாகிஸ்தான் அணி, 20 ஓவர்களில் 6 விக்கெட்டுகளை இழந்து 174 ஓடட்டங்களைக் குவித்தது. முதலாவது விக்கெட்டுக்காக 4.5 ஓவர்களில் 41 ஓட்டங்கள் குவிக்கப்பட, தொடர்ந்து வந்த வீரர்களும் அதிரடியாக விளையாடினர். குறிப்பாக, இறுதி ஓவரில் 17 ஓட்டங்கள் குவிக்கப்பட்டன.
துடுப்பாட்டத்தில் பாபர் அஸாம் 45 (38), அஹமட் ஷெஷாத் 43 (34), ஷொய்ப் மலிக் 39 (23) ஓட்டங்களைப் பெற்றனர்.
பந்துவீச்சில் திஸர பெரேராவும் சாமுவேல் பத்ரியும், தலா 2 விக்கெட்டுகளைக் கைப்பற்றினர்.

 

175 ஓட்டங்கள் என்ற சவாலான இலக்கை நோக்கித் துடுப்பெடுத்தாடிய உலக பதினொருவர் அணி, 19.5 ஓவர்களில் 3 விக்கெட்டுகளை இழந்து வெற்றியிலக்கை அடைந்தது. ஓரளவு சிறப்பான ஆரம்பத்தைப் பெற்றாலும், வேகமாக ஓட்டங்களைப் பெற, உலக பதினொருவர் அணி தடுமாறியது. அப்போது, 36 பந்துகளில் 69 ஓட்டங்களைப் பெற வேண்டுமென்ற நிலை காணப்பட்ட போது, திஸர பெரேரா களமிறங்கினார். குறிப்பாக, தென்னாபிரிக்க அணியின் அதிரடி வீரர் டேவிட் மில்லரை முந்திக் கொண்டு, திஸர களமிறக்கப்பட்டார்.

 

ஒரு கட்டத்தில், 2 ஓவர்களில் 33 ஓட்டங்கள் தேவைப்பட்ட நிலையில், 19ஆவது ஓவரில், 20 ஓட்டங்கள் குவிக்கப்பட்டன. அவற்றில் 18 ஓட்டங்களை, திஸர பெற்றுக் கொண்டார். இறுதி ஓவரில் 13 ஓட்டங்கள் தேவைப்பட, இறுதி 2 பந்துகளில் 6 ஓட்டங்கள் என்ற நிலை ஏற்பட்டது. 20ஆவது ஓவரின் 5ஆவது பந்தை எதிர்கொண்ட திஸர பெரேரா, அதை 6 ஓட்டங்களுக்கு விளாசி, வெற்றியைப் பெற்றுக் கொண்டார். துடுப்பாட்டத்தில் ஹஷிம் அம்லா ஆட்டமிழக்காமல் 72 (55), திஸர பெரேரா 47 (19) ஓட்டங்களைப் பெற்றனர்.

 

போட்டியின் நாயகனாக, திஸர பெரேரா தெரிவானார்.

 

தொடரின் முதலாவது போட்டியில், பாகிஸ்தான் அணி வெற்றிபெற்ற நிலையில், தொடரின் நிலை, 1-1 என மாறியுள்ளது. இந்நிலையில், நாளை இடம்பெறவுள்ள 3ஆவது போட்டி, தொடரின் வெற்றியைத் தீர்மானிக்கும் போட்டியாக மாறியுள்ளது.

லாகூரும் பாகிஸ்தானும் களைகண்டன

 

சுதந்திரக் கிண்ணத்துக்காக, உலக பதினொருவர் அணிக்கும் பாகிஸ்தான் அணிக்குமிடையிலான இருபதுக்கு-20 சர்வதேசப் போட்டித் தொடர், நேற்று ஆரம்பித்த நிலையில், போட்டி நடைபெறும் லாகூர் மாத்திமல்லாது, முழு பாகிஸ்தானுமே, களைகட்டியிருந்ததைப் பார்க்கக்கூடியதாக இருந்தது.

 

2009ஆம் ஆண்டில், இலங்கை அணி மீது தாக்குதல் நடத்தப்பட்ட பின்னர், பிரதானமான அணிகள், பாகிஸ்தானுக்குச் செல்வதற்கு மறுத்துவந்த நிலையில், உள்ளூரில் போட்டிகள் இல்லாமல், பாகிஸ்தான் இரசிகர்கள் வாடியிருந்தனர். இந்நிலையில், உலக பதினொருவர் அணியில் இடம்பிடித்திருந்த வீரர்களுக்கு, விசேட மரியாதையும் வழங்கப்பட்டது.

 

போட்டியில், முதலில் துடுப்பெடுத்தாடப் பணிக்கப்பட்ட பாகிஸ்தான் அணி, பாபர் அஸாமின் 86 (52), அஹமட் ஷெஷாத்தின் 39 (34), ஷொய்ப் மலிக்கின் 38 (20) ஓட்டங்களின் துணையோடு, 20 ஓவர்களில் 5 விக்கெட்டுகளை இழந்த 197 ஓட்டங்களைப் பெற்றது. பந்துவீச்சில் திஸர பெரேரா, 2 விக்கெட்டுகளைக் கைப்பற்றிய போதிலும், 4 ஓவர்களில் 51 ஓட்டங்களை வாரி வழங்கினார்.

 

பதிலளித்தாடிய உலக பதினொருவர் அணி சார்பாக, எந்தவொரு வீரரும் 30 ஓட்டங்களைப் பெறாத நிலையில், 20 ஓவர்களில் 7 விக்கெட்டுகளை இழந்து 177 ஓட்டங்களைப் பெற்று, 20 ஓட்டங்களால் தோல்வியடைந்தது. துடுப்பாட்டத்தில் டெரன் சமி ஆட்டமிழக்காமல் 29 (16), ஃபப் டு பிளெஸி 29 (18) ஓட்டங்களைப் பெற்றனர்.
பந்துவீச்சில் சொஹைல் கான், றும்மன் றயீஸ், ஷடாப் கான் ஆகியோர், தலா 2 விக்கெட்டுகளைக் கைப்பற்றினர்.

 

போட்டியின்ந நாயகனாக, பாபர் அஸாம் தெரிவானார்.

வென்றது அவுஸ்திரேலியா

 

இந்தியாவின் சென்னையில், இன்று இடம்பெற்ற இந்திய கிரிக்கெட் சபை பதினொருவர் அணியுடனான பயிற்சிப் போட்டியில் 103 ஓட்டங்களால் அவுஸ்திரேலிய அணி வென்றுள்ளது.

 

குறித்த போட்டியின் நாணயச் சுழற்சியில் வெற்றிபெற்ற அவுஸ்திரேலிய அணியின் தலைவர் ஸ்டீவ் ஸ்மித், தமது அணி முதலில் துடுப்பெடுத்தாடும் என அறிவித்தார்.

 

அந்தவகையில், முதலில் துடுப்பெடுத்தாடிய அவுஸ்திரேலியா, 50 ஓவர்கள் முடிவில், 7 விக்கெட்டுகளை இழந்து 347 ஓட்டங்களைக் குவித்தது. துடுப்பாட்டத்தில், மார்க்கஸ் ஸ்டொய்னிஸ் 76 (60), ட்ரெவிஸ் ஹெட் 65 (63), டேவிட் வோணர் 64 (48), ஸ்டீவ் ஸ்மித் 55 (68), மத்தியூ வேட் 45 (24) ஓட்டங்களைப் பெற்றனர். பந்துவீச்சில், வொஷிங்டன் சுந்தர், குஷங் பட்டேல் ஆகியோர் தலா 2 விக்கெட்டுகளைக் கைப்பற்றினர்.

 

பதிக்கு, 348 ஓட்டங்கள் என்ற வெற்றியிலக்குடன் துடுப்பெடுத்தாடிய இந்திய கிரிக்கெட் சபை பதிவொருவர் அணி, 48.2 ஓவர்கள் முடிவில், சகல விக்கெட்டுகளையும் இழந்து 244 ஓட்டங்களைப் பெற்று 103 ஓட்டங்களால் தோல்வியடைந்தது. துடுப்பாட்டத்தில், ஶ்ரீவட்ஸ் கோஸ்வாமி 43 (54), மயங் அகர்வால் 42 (47), குஷங் பட்டேல் ஆட்டமிழக்காமல் 41 (48), அக்‌ஷய் கர்னேவார் 40 (28) ஓட்டங்களைப் பெற்றனர். பந்துவீச்சில், அஸ்தன் அகர் 4 விக்கெட்டுகளையும் கேன் றிச்சர்ட்ஸன் 2 விக்கெட்டுகளையும் கைப்பற்றினர்.

சம்பியனானது ட்ரின்பாகோ நைட் றைடர்ஸ்

 

மேற்கிந்தியத் தீவுகளின் உள்ளூர் இருபதுக்கு – 20 தொடரான கரீபியன் பிறீமியர் லீக்கின் இறுதிப் போட்டியில் கெவோன் கூப்பர் அதிரடி காட்ட ட்ரின்பாகோ றைட் றைடர்ஸ் சம்பியனானது.

 

இலங்கை நேரப்படி, இன்று காலை இடம்பெற்ற குறித்த போட்டியின் நாணயச் சுழற்சியில் வென்ற ட்ரின்பாகோ நைட் றைடர்ஸ் அணியின் தலைவர் டுவைன் பிராவோ, சென். கிட்ஸ் அன்ட் நெவிஸ் பற்றியோட்ஸ் அணியை முதலில் துடுப்பெடுத்தாடப் பணித்தார்.

 

அந்தவகையில், முதலில் துடுப்பெடுத்தாடிய பற்றியோட்ஸ், தமது இனிங்ஸின் இறுதி ஓவர்களில், கார்லோஸ் பிறத்வெய்ட், மொஹமட் நபி ஆகியோர் அதிரடியாகப் பெற்ற ஓட்டங்கள் காரணமாக, 20 ஓவர்களில், 6 விக்கெட்டுகளை இழந்து, ஓரளவு நிதானமான 135 ஓட்டங்களைப் பெற்றது.

 

துடுப்பாட்டத்தில், கார்லோஸ் பிறத்வெய்ட் ஆட்டமிழக்காமல் 30 (25), ஜொனதன் கார்ட்ட்டர் 21 (30), பிரெண்டன் கின் 19 (21) மொஹமட் நபி ஆட்டமிழக்காமல் 18 (05), டெவொன் தோமஸ் 17 (09), எவின் லூயிஸ் 16 (16) ஓட்டங்களைப் பெற்றனர். பந்துவீச்சில், கெவோன் கூப்பர், ஜெவோன் சியேர்ள்ஸ் ஆகியோர் தலா 2 விக்கெட்டுகளையும் சுனில் நரைன், றொன்ஸ்ஃபோர்ட் பீட்டன் ஆகியோர் தலா ஒவ்வொரு விக்கெட்டையும் கைப்பற்றினர்.

 

பதிலுக்கு, 136 ஓட்டங்களை என்ற வெற்றியிலக்குடன் துடுப்பெடுத்தாடிய நைட்றைடர்ஸ், ஒரு கட்டத்தில், 90 ஓட்டங்களுக்கு 7 விக்கெட்டுகளை இழந்து, 13 பந்துகளில் 28 ஓட்டங்களைப் பெறவேண்டி இருந்தபோதும் கெவோன் கூப்ப்பரின் அதிரடி காரணமாக 19 ஓவர்களில் வெற்றியிலக்கை அடைந்தது.

 

துடுப்பாட்டத்தில், கெவோன் கூப்பர் ஆட்டமிழக்காமல் 29 (14), கொலின் மன்றோ 29 (23), டினேஷ் ராம்டீன் ஆட்டமிழக்காமல் 26 (31) ஓட்டங்களைப் பெற்றனர். பந்துவீச்சில், மொஹமட் ஹபீஸ், தப்ரையஸ் ஷம்சி, ஷெல்டன் கோட்ரல் ஆகியோர் தலா 2 விக்கெட்டுகளை வீழ்த்தினர்.

 

இறுதிப் போட்டியின் நாயகனாக, கெவோன் கூப்பர் தெரிவானதோடு, தொடரின் நாயகனாக சட்விக் வோல்டன் தெரிவானார்.

தொடரை வென்றது இங்கிலாந்து

 

இங்கிலாந்து, மேற்கிந்தியத் தீவுகள் அணிகளுக்கிடையே இடம்பெற்ற மூன்றாவது டெஸ்ட் போட்டியை 9 விக்கெட்டுகளால் வென்ற இங்கிலாந்து, மூன்று போட்டிகள் கொண்ட இத்தொடரை, 2-1 என்ற ரீதியில் வென்றது.

 

லோட்ஸில் இடம்பெற்ற இந்த மூன்றாவது டெஸ்டில், முதலில் துடுப்பெடுத்தாடிய மேற்கிந்தியத் தீவுகள், தமது முதலாவது இனிங்ஸில், சகல விக்கெட்டுகளையும் இழந்து 123 ஓட்டங்களை மாத்திரமே பெற்றது. துடுப்பாட்டத்தில், கிரண் பவல் 39, ஷை ஹோப் 29 ஓட்டங்களைப் பெற்றனர். பந்துவீச்சில், பென் ஸ்டோக்ஸ் 6 விக்கெட்டுகளைக் கைப்பற்றினார்.

 

பதிலுக்கு, தமது முதலாவது இனிங்ஸில் துடுப்பெடுத்தாடிய இங்கிலாந்து, சகல விக்கெட்டுகளையும் இழந்து 194 ஓட்டங்களைப் பெற்றது. துடுப்பாட்டத்தில், பென் ஸ்டோக்ஸ் 60, ஸ்டுவேர்ட் ப்ரோட் 38 ஓட்டங்களைப் பெற்றனர். பந்துவீச்சில், கேமார் றோச் 5, அணித்தலைவர் ஜேஸன் ஹோல்டர் 4 விக்கெட்டுகளைக் கைப்பற்றினர்.

 

தொடர்ந்து, தமது இரண்டாவது இனிங்ஸில் துடுப்பெடுத்தாடிய மேற்கிந்தியத் தீவுகள், சகல விக்கெட்டுகளையும் இழந்து 177ஓட்டங்களைப் பெற்றது. துடுப்பாட்டத்தில், ஷை ஹோப் 62, கிரண் பவல் 45 ஓட்டங்களைப் பெற்றனர். பந்துவீச்சில், ஜேம்ஸ் அன்டர்சன் 7 விக்கெட்டுகளைக் கைப்பற்றினார்.

 

அந்தவகையில், 107 ஓட்டங்கள் என்ற வெற்றியிலக்குடன், தமது இரண்டாவது இனிங்ஸில் துடுப்பெடுத்தாடிய இங்கிலாந்து, ஒரு விக்கெட்டை மாத்திரம் இழந்த நிலையில் வெற்றியிலக்கை அடைந்தது.

 

இப்போட்டியின் நாயகனாக பென் ஸ்டோக்ஸ் தெரிவானதோடு, இத்தொடரின் மேற்கிந்தியத் தீவுகள் அணியின் நாயகனாக ஷை ஹோப் தெரிவானதோடு, இங்கிலாந்து அணியின் நாயகனாக ஜேம்ஸ் அன்டர்சன் தெரிவானார்.

பங்களாதேஷுக்கு எதிராக முன்னிலையில் அவுஸ்திரேலியா

பங்களாதேஷ், அவுஸ்திரேலிய அணிகளுக்கிடையிலான 2 போட்டிகள் கொண்ட டெஸ்ட் தொடரின் 2ஆவது போட்டியின் 2ஆம் நாள் முடிவில், அவுஸ்திரேலிய அணி முன்னிலை பெற்றுள்ளது.

 

பங்களாதேஷ் அணி முதல் இனிங்ஸில் பெற்ற 305 ஓட்டங்களுக்குப் பின்னர், தனது முதலாவது இனிங்ஸில் விளையாடிவரும் அவுஸ்திரேலிய அணி, நேற்றைய நாள் முடிவில் 2 விக்கெட்டுகளை இழந்து 225 ஓட்டங்களைப் பெற்றுள்ளது.

 

முதலாவது விக்கெட்டாக மற் றென்ஷோ, அணி 5 ஓட்டங்களைப் பெற்றிருந்த போது ஆட்டமிழந்த போதிலும், 2ஆவது விக்கெட்டுக்காக இணை சேர்ந்த உப தலைவர் டேவிட் வோணரும் தலைவர் ஸ்டீவன் ஸ்மித்தும் சிறப்பாக விளையாடி, 93 ஓட்டங்களைப் பகிர்ந்தனர்.

 

2ஆவது விக்கெட்டாக ஸ்மித் ஆட்டமிழந்த பின்னர், 3ஆவது விக்கெட்டுக்காக இணை சேர்ந்த  வோணரும் பீற்றர் ஹான்ட்ஸ்கொம்ப்பும், இதுவரை பிரிக்கப்படாத 127 ஓட்டங்களைப் பகிர்ந்து, அணிக்குப் பலத்தை வழங்கியுள்ளனர்.

 

துடுப்பாட்டத்தில் டேவிட் வோணர் ஆட்டமிழக்காமல் 88, பீற்றர் ஹான்ட்ஸ்கொம்ப் ஆட்டமிழக்காமல் 69, ஸ்டீவன் ஸ்மித் 58 ஓட்டங்களைப் பெற்றனர்.

 

பந்துவீச்சில் முஸ்தபிஸுர் ரஹ்மான், தைஜுல் இஸ்லாம் இருவரும் தலா ஒரு விக்கெட்டைக் கைப்பற்றினர்.

 

இதன்படி, 8 விக்கெட்டுகள் கைவசமுள்ள நிலையில், பங்களாதேஷை விட 80 ஓட்டங்கள் மாத்திரமே பின்தங்கிய நிலையில், அவுஸ்திரேலியா காணப்படுகிறது.

 

முன்னதாக, 6 விக்கெட்டுகளை இழந்து 253 ஓட்டங்களுடன் நேற்றைய நாளை ஆரம்பித்த பங்களாதேஷ் அணி, 305 ஓட்டங்களுக்குச் சகல விக்கெட்டுகளையும் இழந்தது.

 

துடுப்பாட்டத்தில் முஷ்பிக்கூர் ரஹீம் 68, சபீர் ரஹ்மான் 66, நசீர் ஹொஸைன் 45, சௌமியா சர்க்கார் 33 ஓட்டங்களைப் பெற்றனர்.

 

பந்துவீச்சில் நேதன் லையன் 7 விக்கெட்டுகளையும் அஸ்டன் ஏகர் 2 விக்கெட்டுகளையும் கைப்பற்றினர்.

 

இந்தத் தொடரின் முதலாவது போட்டியில், பங்களாதேஷ் அணி வெற்றிபெற்றிருந்தது. தொடரைச் சமப்படுத்த வேண்டுமாயின், இந்தப் போட்டியில் வெற்றிபெற வேண்டிய தேவை, அவுஸ்திரேலிய அணிக்குக் காணப்படுகின்றமை குறிப்பிடத்தக்கது.

ரந்தீவை ஞாபகப்படுத்திய பொலார்ட்

கரீபியன் பிறீமியர் லீக் போட்டிகள் இடம்பெற்றுவரும் நிலையில், இலங்கை நேரப்படி நேற்றுக் காலை இடம்பெற்ற போட்டியொன்று, இலங்கையின் சுழற்பந்து வீச்சாளர் சுராஜ் ரந்தீவின் செய்கைகளை ஞாபகப்படுத்திவிட்டுச் சென்றது.

 

பிரிட்ஜ்டௌணில் இடம்பெற்ற இந்தப் போட்டி, பார்படோஸ் ட்ரைடென்ட்ஸ் அணிக்கும் சென். கிற்ஸ் மற்றும் நெவிஸ் பட்ரியட்ஸ் அணிக்குமிடையில் இடம்பெற்றது.

 

இதில் முதலில் துடுப்பெடுத்தாடிய, பொலார்ட் தலைமையிலான ட்ரைடென்ட்ஸ் அணி, 20 ஓவர்களில் 9 விக்கெட்டுகளை இழந்து 128 ஓட்டங்களைப் பெற்றது.

 

துடுப்பாட்டத்தில் டியோன் வெப்ஸ்டர் 32 (25) ஓட்டங்களைப் பெற்றார். பந்துவீச்சில் கார்லொஸ் பிறத்வெய்ட் 4 ஓவர்களில் 15 ஓட்டங்களுக்கு 4 விக்கெட்டுகளைக் கைப்பற்றினார். தப்ராஸ் ஷம்ஸி, 2 விக்கெட்டுகளைக் கைப்பற்றினார்.

 

129 ஓட்டங்களை வெற்றியிலக்காகக் கொண்டு துடுப்பெடுத்தாடிய பட்ரியட்ஸ் அணி, அதிரடியாகத் துடுப்பெடுத்தாடியது. 7 ஓவர்களின் நிறைவில் விக்கெட் இழப்பின்றி 128 ஓட்டங்களுடன் காணப்பட்ட அவ்வணிக்கு ஓர் ஓட்டமே தேவைப்பட்டதோடு, 31 பந்துகளில் 97 ஓட்டங்களுடன் காணப்பட்ட எவின் லூயிஸுக்கு, சதத்துக்காக 3 ஓட்டங்கள் தேவைப்பட்டன.

 

எனினும், 8ஆவது ஓவரின் முதலாவது பந்தை வீசிய பொலார்ட், அதை முறையற்ற பந்தாக வீசினார். அது, முறையற்ற பந்தாக அறிவிக்கப்பட்டிருக்கா விட்டாலும் கூட, அகலப்பந்து என அறிவிக்கப்படும் அளவுக்கு, அகலமாகவும் வீசப்பட்டது. நடுவர் அதை, முறையற்ற பந்து என அறிவிக்க, சதம் பெறுவதற்கான லூயிஸின் வாய்ப்பு இல்லாது போனது.

 

2010ஆம் ஆண்டு, இலங்கை, இந்திய அணிகளுக்கிடையிலான ஒருநாள் சர்வதேசப் போட்டியில், இந்திய அணி ஓர் ஓட்டத்தைப் பெற வேண்டியிருந்த போது, விரேந்தர் செவாக்குக்கு, சதத்துக்காக ஓர் ஓட்டம் தேவைப்பட்டது. ஆனால், முறையற்ற பந்தொன்றை வீசிய ரந்தீவ், செவாக், சதம் பெறுவதைத் தடுத்தார்.

 

அதே நடவடிக்கையையே, தற்போது பொலார்க்கும் மேற்கொண்டுள்ளார் என்று கருதப்படுகிறது.

 

பங்களாதேஷும் அவுஸ்திரேலியாவும் போராட்டம்

பங்களாதேஷ், அவுஸ்திரேலிய அணிகளுக்கிடையிலான 2 போட்டிகள் கொண்ட டெஸ்ட் தொடரின் 2ஆவது போட்டியின் முதலாம் நாள் முடிவில், இரு அணிகளும் போராட்டத்தை வெளிப்படுத்தியுள்ளன.

 

சிட்டகொங்கில் இடம்பெறும் இப்போட்டியில், நாணயச் சுழற்சியில் வெற்றிபெற்று முதலில் துடுப்பெடுத்தாடிவரும் பங்களாதேஷ் அணி, நேற்றைய நாள் முடிவில் 6 விக்கெட்டுகளை இழந்து 253 ஓட்டங்களுடன் காணப்படுகிறது.

 

2 விக்கெட்டுகளை இழந்து 21 ஓட்டங்களுடன் தடுமாறிய அவ்வணி, பின்னர் 5 விக்கெட்டுகளை இழந்து 117 ஓட்டங்களுடன் தடுமாறியது. ஆனால், மத்தியவரிசை வீரர்கள், சிறப்பாக விளையாடியிருந்தனர்.

 

துடுப்பாட்டத்தில் சபீர் ரஹ்மான் 66, முஷ்பிக்கூர் ரஹீம் ஆட்டமிழக்காமல் 62 ஓட்டங்களைப் பெற்றனர்.

 

நேதன் லையன், 5 விக்கெட்டுகளைக் கைப்பற்றினார்.

நற்வெஸ்ட் பிளாஸ்ட்: சம்பியனானது நொட்டிங்கம்ஷையர்

இங்கிலாந்தின் உள்ளூர் இருபதுக்கு-20 தொடரான நற்வெஸ்ட் இ-20 பிளாஸ்ட் தொடரின் சம்பியன்களாக, நொட்டிங்கம்ஷையர் அணி தெரிவாகியுள்ளது. வோர்விக்‌ஷையர் அணிக்கெதிரான போட்டியில் இறுதிப் போட்டியில் வெற்றிபெற்றே, நொட்டிங்கம்ஷையர் அணி, சம்பியனானது.

 

எட்ஜ்பஸ்டனில் இடம்பெற்ற இந்த இறுதிப் போட்டியில், நாணயச் சுழற்சியில் வெற்றிபெற்ற வோர்விக்‌ஷையர் அணி, முதலில் களத்தடுப்பில் ஈடுபடத் தீர்மானித்தது.

 

இதன்படி முதலில் களமிறங்கிய நொட்டிங்கம்ஷையர் அணி, 20 ஓவர்களில் 4 விக்கெட்டுகளை இழந்து 190 ஓட்டங்களைக் குவித்தது.

 

ஆரம்பத்தில் விக்கெட்டுகளை இழந்து, 3 விக்கெட்டுகளை இழந்து 30 ஓட்டங்களுடன் தடுமாறிய அவ்வணி சார்பாக, 4ஆவது விக்கெட்டுக்காக 132 ஓட்டங்கள் பகிரப்பட்டிருந்தன. பின்னர் 5ஆவது விக்கெட்டுக்காக, இறுதி 11 பந்துகளில் 28 ஓட்டங்கள் குவிக்கப்பட்டிருந்தன.

 

துடுப்பாட்டத்தில் பிரென்டன் டெய்லர் 65 (49), சமித் பட்டேல் ஆட்டமிழக்காமல் 64 (42), டானியல் கிறிஸ்டியன் ஆட்டமிழக்காமல் 24 (7) ஓட்டங்களைப் பெற்றனர்.

 

பந்துவீச்சில் கிறிஸ் வோக்ஸ் 3 விக்கெட்டுகளைக் கைப்பற்றினார்.

 

191 ஓட்டங்கள் என்ற சவாலான இலக்கை நோக்கித் துடுப்பெடுத்தாடிய வோர்விக்‌ஷையர், ஆரம்பத்திலிருந்து விக்கெட்டுகளை இழந்து தடுமாறியது. இறுதியில், 20 ஓவர்களில் 8 விக்கெட்டுகளை இழந்து 168 ஓட்டங்களை மாத்திரம் பெற்றுத் தோல்வியடைந்தது.

 

துடுப்பாட்டத்தில் சாம் ஹெய்ன் 72 (44), கொலின் டி கிரான்டோம் 27 (19), ஆரொன் தோமஸன் 26 (13) ஓட்டங்களைப் பெற்றனர்.

 

பந்துவீச்சில் ஹரி கேர்னி 4 விக்கெட்டுகளையும் ஜேக் போல் 2 விக்கெட்டுகளையும் கைப்பற்றினர்.

 

இப்போட்டியின் நாயகனாக, சமித் பட்டேல் தெரிவுசெய்யப்பட்டார்.